Профилактикалық егулерді алуға қарсы көрсетімдері жоқ адамдар коронавирус инфекциясынан екпе салдыртады. Ең алдымен жауапты дәрігер екпе алушыны (пациентті) тексерістен өткізеді, одан кейін пациент екпеге ерікті ақпараттық келісім беру немесе бас тартуға қол қояды. «Спутник V» екпесінің бірінші және екінші дозасын енгізу кезеңі 21 күннен тұрады. 

«№ 1 қалалық емхананың» медицина қызметкерлері коронавирусқа қарсы екпенің екінші дозасын алды. Олар Елордадағы «№ 4 қалалық емхана» базасында екпені салдыртты. Медицина қызметкерлерінде вакцинацияның бірінші және екінші кезеңінде асқынулар болған жоқ. Олар бүгінде өздерін жақсы сезінетіндіктерін атап өтті.