«STOP туберкулез!» акциясы аясында «№ 1 қалалық емханада» қала тұрғындары арасында ақпараттық-түсіндірмелік жұмыстар жүргізіліп жатыр. Емханада ересектерге және балаларға арналған фтизиатр дәрігерлері жұмыс істейді. Суретте «№ 1 қалалық емхананың» балалар фтизиатр дәрігері А. Ж. Пшембаева қабылдауға келген кішкентай пациенттерді тексеріп жатыр. Балаларда аталған ауру тез дамитындықтан, түрлі асқынуларға алып келуі мүмкін. Туберкулез ауруының алдын алу үшін тұрақты негізде дәрігерлердің қабылдауына барып отырған жөн.