Жіті жағдайда немесе созылмалы аурулардың өршуі кезінде, егер органдардың кенеттен және айқын бұзылуының белгілері жоқ болса, сіз тіркеу орнына қоңырау шалып, үйге учаскелік дәрігерді немесе жедел шақырудың 4-санаты бойынша жедел жәрдем (күту уақыты 1 сағатқа дейін) шақыруыңызға болады.

Сізге мына жағдайларда учаскелік мейірбике немесе фельдшер келеді:

- шақыру сәтінде дене қызуы 38°С болғанда;

- артериялық қысым көтерілгенде;

- көмек пен кеңесті үйде беруді керек ететін жай-күй, ауру;

- жарақат жағдайында.

Сізге мына жағдайларда учаскелік дәрігер келеді:

- жұқпалы аурулар белгілері білінгенде;

- вакцинациядан кейін жағдай нашарлағанда;

- дәрігер тексеруін үйде керек еткен жағдайда.

1406 нөмірі бойынша бірыңғай байланыс орталығына хабарласып, шақыру туралы көбірек біле аласыз.