«№ 1 қалалық емханада» әртүрлі денсаулық мектептері бар. Мысалы, босануға дайындық мектебінде біздің мамандар жүктілікке қалай дұрыс дайындалу қажеттігі туралы түсіндіреді. Сонымен қатар жүкті әйелдің көңіл-күйі жүктіліктің өту кезеңінде маңызды рөл атқаратындығын үнемі айтып отырады. Босану кезінде дұрыс тыныс алуды үйретеді. Дені сау бала мектебінде балаларға ерте жастан күтім жасау, баланы дұрыс емізу ережелері, рахит пен анемияның алдын алу, бір жастан асқан баланы тамақтандыруды және т.б. үйретеді. Қауіпті мінез-құлық факторлары бойынша мектепте алгольдің, темек тартудың, артық тамақтанудың, гиподинамияның, яғни аз қимылдаудың адам ағзасына зиянды әсері туралы айтылады. Денсаулық мектептеріндегі сабақтарды жоғары білікті мамандар жүргізеді.