Нұр-Сұлтан қаласы әкімдігінің "№ 1 қалалық емхана" ШЖҚ МКК

Қазақстан, Нұр-Сұлтан (Астана), Сейфуллин к-сі, 28
+7 (7172) 39 99 78
+7 (7172) 32 39 80
Жаңалықтар
Вернуться к списку |

ЖИТС-тың алдын алу айлығы аясында ашық есік күні өтті

Бүгін «№ 1 қалалық емханада» ЖИТС-тың алдын алу айлығы аясында Ашық есік күні болды. Шара барасында емхана пациенттері АИТВ-жұқпасы қоздырғышын анықтауға арналған экспресс-тестілеуден өтті. Бұл талдаулар тегін жүргізіліп, қан тапсырушының аты-жөні көрсетілмеді. Эспресс-тестілеуді 

Нұр-Сұлтан қаласының «ЖИТС-тың алдын алу және оған қарсы күрес орталығының» өкілдері жүргізді. Сондай-ақ олар тұрғындарды АИТВ және ЖИТС туралы пайдалы мәліметтермен таныстырды. Ашық есік күні барысында ақпараттық брошюралар таратылды. 

Сіз бен біз білуге тиісті пайдалы ақпараттар:

АИТВ – адамның иммун тапшылығының вирусы, инфекциядан қорғайтын ағзаның иммундық жүйені зақымдайтын вирус.

ЖИТС – жұқтырылған иммун тапшылығының синдромы, АИТВ-жұқпасының соңғы кезеңі. 

АИТВ қалай жұғады?

Есірткіні тамырға енгізген кезде залалсызданбаған шприцті немесе инені ортақ қолдану кезінде;

Татуировка мен пирсинг кезінде залалсызданбаған аспаптарды қолданғанда;

Өзге адамдардың қан қалдықтары қалған қырыну құралдарын қолдану кезінде;

Жыныстық қатынас арқылы;

АИТВ-жұқпасын жұқтырған анадан балаға: жүктілік, босану және ана сүтімен емізу кезінде. 

АИТВ-дан қалай қорғануға болады?

Кездейсоқ жыныстық қатынасқа түспеу;

Есірткіні қолданбау;

Татуировканы немесе пирсингті салу кезінде залалсызданған аспаптардың қолданылуын қадағалау.



Сұрақ қою Пікір қалдыру Емханаға қоңырау шалу